Соболезнования Муфтия Шейха Равиля Гайнутдина руководителю аппарата президента Республики Татарстан А.А. Сафарову в связи с кончиной его матери Фатыйх кызы Нәкыя:

Мөхтәрәм Әсгать әфәнде!

Россия Федерациясе мөселманнары Диния нәзарәте һәм шәхсән үз исемемнән газиз әниегез Фатыйх кызы Нәкыя ханымның вафаты сәбәпле Сезнең, гаиләгезнең вә барча якыннарыгызның тирән кайтысын уртаклашам вә мәрхүмәнең рухы Аллаһның рәхмәтенә ирешсен, каберләре киң вә нурлы булсын дия дога кылам. Тормышын яшь буыннарны тәрбияләүгә багышлаган дин кардәшебез Фатыйх кызы Нәкыяның барлык хата-ялгышлыкларын Аллаһ Раббыбыз Үзе кичереп, игелекләрен арттырып вә кабул кылып, барачак урыннарын Җәннәт бакчалары итсә иде! Барыбыз да Аллаһыдан килдек вә Аңа кайтачакбыз. Сезгә, ошбу зур югалту кичергән барча якыннарына күркәм сабырлыклар, рух ныклыгы теләп калам.
إنا لله وإنا إليه راجعون

Мөфти Шәех Равил Гайнетдин
Россия Федерациясе мөселманнары Диния нәзарәте рәисе